Nainggit ang tatlong bulaklak sa isang bulaklak na hindi nalalanta. May pusong nangahas upang tumibok. Hindi pala tubig ang luha. Ang akala ng daga at sawa, naisahan nila ang isa’t isa. Gusto mo bang malaman kung bakit nalalagas ang ating buhok? Ilan lamang ito sa mga dagling nasa anyo ng kuwentong bayan at mito na mababasa sa koleksiyon. Tinatalunton ng mga akda ang iba’t ibang aspekto ng ating damdamin, pangarap, saloobin, at pagkatao. Maikli, subalit nagmamarka sa alaala. Maliit, kaya nakapupuwing sa mata. * * * “Gusto ko na sanang matulog kaso ginising ako ng mga akda ni Rommel Rodriguez at pinaalalang marami pang dapat gawin. At mahaba pa ang gabi.” —Norman Wilwayco Awtor ng Migrantik

1. Legends-Philippines. 2. Folklore-Philippines.