Nasa mga tula ang kaluluwa ng mga danas at pangarap. Ito ang malinaw na ipinahahayag ng mga tulang nasa antolohiyang ito. Nanggugulat ang mga talinghaga. Ngunit humahaplos din, yumayakap, nagpaparamdam, nagpapaalala ng lamig, init, lungkot, ligaya, tuwa, galit, pag-ibig. Habang binabasa natin ang mga tula, pinaglalakbay tayo nito sa mga magaan at masalimuot na daan, panahon, at danas. - Rowena P. Festin