"Hindi na tanong sa akin noon kung mahusay magsulat si Rommel. Magaling talaga. Higante... Nang mabasa ko sa manuskritong ito ang revised version ng Sephanie, nakita ko ang hinahanap ko. Sabi ko sa sarili ko, ito na nga yata ang hinihintay kong boses sa Panitikang Pilipino na aabot sa hindi natin kayang maabot. Kung ang kapangyarihan ng isang akda ay nasa binitawan, ano naman kaya ang pinili niyang bitbitin? Nandito lahat iyon. Mga sanaysay na piling-pili. Mga kuwentong walang labis, walang kulang. Ito ang isang manunulat na kakapitan mo at pagtitiwalaan kahit saan ka niya dalhin.